熱門文章

2014年3月2日 星期日

每週一相片大行動 2014 Week 10:《我和殭屍有個約會》三輯連環重播再x6,正宗睇到仆街





爽喎,歲月流聲台3/3開始,逢星期一至五晚重播《我和殭屍有個約會》,三輯連續播直播到八月,每集一日播足五次,都睇唔到或者唔夠喉唔緊要,星期日朝早八點半一次過播返晒五集你睇,每一集一個星期可以睇六次,三輯連環重播再x6,正宗睇到仆街。如此仆街,真係只有亞視先做得出。

突然之間希望亞視續到牌,唔會搞到睇一半就冇得追落去咁灰添。我成日覺得會選而家先開始馬拉松式重播,道理同每次大家屌無線收皮屌到真係有危機時,無記就會重播《天與地》or任何一套有黃子華份舊劇一樣。

沒有留言:

張貼留言